KUCHING: Penusah ati dipelaba kebuah siku penulis bebas enggau agen alai ngiga pengawa munuh diri. Bangkai iya ditemu ba siti rumah ke bedau tembu.

Iya ke parai penama Ngu, 49 taun, ditemu ba rumah ke bedau tembu urung pukul 8.30 pagi. Bangkai iya ditemu sida ke kereja kontrak ke deka masang tile ba rumah nya.

Sepiak bangkai iya bisi rachun rumput Paraquat enggau dua tin rachun chit. Talipaun binching Ngu pan bisi ditemu sepiak iya enggau kerita iya agi paking ba mua rumah nya.

Orang kereja dia madah ngagai kontraktor empu projek ke lalu talipaun polis.

Sida ari sepital pan bisi dipadah kia alai sida iya mutuska Ngu udah parai.

Bini Ngu enggau anak indu iya beguai kia udah seduai menyanak dipadahka polis pasal insiden nya.

Ku bini iya, Ngu ninggalka rumah sida iya ba Jalai Keranji malam siti laban ku iya deka meli barang.

Taja pia, iya nadai pulai ke rumah, taja pan sida diri sebilik nguji talipaun iya.

Bini iya madah laki iya baka bisi penusah tang nadai kala nusui ngagai sida sebilik.

Bangkai iya di bai ngagai Hospital Umum sarawak laban deka di tasat.