PR enggau BN bisi awak nudukka sistem dua parti

 Email This Post    Print This Post  

(No Ratings Yet)

 Loading ...

LAWAS: Keterubah dalam sejarah, Pakatan Rakyat (PR) udah manggai ba tikas ke alai iya ulih betapi enggau Barisan Nasional (BN) dalam pengawa Bepilih Besai Ke-13 lalu bisi awak deka nudukka sistem dua parti di menua tu.

Kaban Parlimen (MP) Kuching ke lalu nyadi mandal chairman pusat Parti Tindakan Demokratik (DAP), Chong Chien Jen, ngenataika pekara tu ba aum media ba Hotel Sri Malaysia Hotel ditu bedau lama ke udah.

Iya arap bendar ke pengawa DAP ke nyabung manuk keterubah iya ba penuduk ke tebal raban Bumiputera ke kali diperebutka Parti Keadilan Rakyat (PKR) dalam taun 2008.

“Ungkup Lawas, kami nadai serekang penemu enggau Parti Keadilam Rakyat (PKR) seraya kami sama-sama deka ngulihka tagit DAP menang 14 buah kerusi di Sarawak,” ku iya.

Chong udah bisi pemereti ati enggau PKR ke berengkah baum ba pusin aum keterubah lepas pengawa bepilih nengeri 2011, ke alai PKR tupas dalam penatai belanja sida laban ke bediri ba kelalu mayuh penuduk.

Berebak enggau nya, ba Rumah Tebuka Taun Baru China ba restoren ditu kena 2 March 2, ADUN Piasau Miri – Alan Ling Sie Kiong nebah chalun ungkup sitak Lawas ke diatu empu Henry Sum Agong.

Chalun nya Dr Bau Langup, tauka Dr Bob nya seiku lutur ngeli di Miri.

Nangkanka tebah nya, DAP udah numbuhka injin pengawa bepilih di sitak Lawas.

Nyerumba pengawa tu, komiti bepilih nengeri DAP betuaika Chong lengkas ngatur injin parti dikena mantu Dr Bob.

“Batang tuju kami kitu nya nebah manuk sabung kami ungkup Lawas, Dr Bob, seraya numbuhka injin pengawa bepilih mantu iya ngerampas penuduk nya,” ku iya.

Injin penbgawa bepilih nya betuaika Ling, dibantu Robert Asut ke nyadi mandal direktor.

Ba kaul bukai, Dr Bob ke beasal ari Long Semadoh bisi bendar ngembuan pengarap ba peluang mai ubah ngagai bandar tu.

Beumur diatu 61 taun besekula suba di Limbang kenyau ari umur lapan taun udah nya nyambung pelajar ba Kolej Tanjong Lobang di Miri, sebedau gawa enggau perintah sepengelama tujuh taun.

Maya ke diatu iya muka kelinik ngeli swasta di Bintulu enggau Miri, bisi anak empat iku enggau bini bansa China ke udah pinchin nyadi pengajar, Supang Wong.

Chairman DAP pampang Serian, Edward Luak, bisi mega datai ba aum media nya.

Luak udah kala nyadi pemantu enggau pemangku DO ba pelilih nya dalam taun 80an.

Category: Berita Iban, Sarawak