500 iku pegawai enggau raban polis Sarawak dianjung ke Sabah

 Email This Post    Print This Post  

(No Ratings Yet)

 Loading ...

TEGAP ATI: Acryl mesan seiku ari raban batalion PGA, ngambi ngembuan penegap ati bejalaika pengawa mutarka insiden tama enda beradat di Sabah.

KUCHING: Polis Diraja Malaysia (PDRM) Sarawak nganjung 500 iku pegawai enggau raban ari Bridged Sarawak bejalaika pengawa berengkah kemari ke Sabah, mantu mutarka insiden masuk enda beradat ke Sabah.

Kepala Polis Sarawak Datuk Acryl Sani Abdullah Sani madahka, raban ke ditambah nya nyengkaum Batalion 10 ari Sibu, Batalion 12 ari Miri enggau Batalion 11 ari Kuching nyadi seraban Batalion Pasukan Gerakan Am ti bejalaika pengawa di Lahad Datu.

Berebak enggau nya iya madahka chara tuai menua betapi enggau penanggul ti nyadi diatu nya, nunjukka pekara nya ulih teputar enda lama agi.

“Kitai nganjung 500 pegawai enggau raban tambah ari Sarawak mantu mutarka insiden tama enda beradat ti nyadi di Sabah diatu.

“Kitai enda nemu berapa lama sida din. Berita pemadu baru ari tuai pengiring kitai arap bendar penanggul tauka insiden tama enda beradat tu deka ulih diputarka enda lama agi,” ku iya bejaku enggau pengarang berita.

Iya mansutka pekara nya dalam aum pengarang berita nganjung pegawai enggau raban batalion PGA ari Kuching ba balai penerebai di Padang Bilun Antabansa Kuching ditu kemari.

Acryl ngelalau pegawai enggau raban batalion PGA ngambika bejalaika tanggungpengawa ngetanka menua enggau penuh penegap ati.

Iya ngarapka pegawai enggau raban batalion PGA ngena semua pekara ti dipelajar maya belatih, lebuh bejalaika pengawa di Lahad Datu.

Tu pekara ti amat nyadi, ukai belatih ukai bemain, ngarapka ngembuan penegap ati betapi enggau sebarang pekara, ku iya.

“Berekat enggau iring sampi semua kitai, pegawai enggau anggota ti dianjung bejalaika pengawa ke Sabah ulih mutarka insiden enggau penegap ati ti tinggi, nyaga enggau ngemanahka menua kitai ke nyadi menua bedaulat, sereta sida pulai baru kitu (Sarawak) enggau likun betemu enggau diri sebilik,” ku iya.

Kelimpah ari PGA, sebedau tu 20 iku raban ari Jabatan Siasiatan Jenayah Sarawak enggau 40 raban polis marin dianjung mantu mutarka insiden tama enda beradat ke Sabah.

Bilun khas ke mai raban batalion PGA ari Kuching kerangkat ke Sabah urung pukul 2 lemai kemari.

Nyempulang Acryl nganjung sida ngagai padang bilun kemari Sapit Kepala Polis Sarawak Dato Law Hong Soon enggau pemesai polis ke bukai sereta diri sebilik pegawai enggau raban batalion PGA.

Category: Berita Iban, Sarawak