Penchuri ngelarika sekeda barang ari kelinik

 Email This Post    Print This Post  

(No Ratings Yet)

 Loading ...

SIBU: Sebuah kelinik ba Jala Pahlawan ditu ditaga penchuri ke ngelarika sebuah komputer binching, dua telefon binching enggau mata duit RM50.

Kes nya nyadi urung pukul 6.30 lemai kemari lebuh lutur kelinik nya pansut makai lalu semina tinggal seiku indu misi ba dia.

Nitihku penerang indu misi ke gawa maya nya, seiku lelaki tama ke dalam kelinik ti ngaga diri nanya ungkus bayar berubat ungkup indai iya ke benung sakit.

Udah nya, lelaki ke beumur urung 30 taun pansut ari kelinik nya.

Nyangka iya nemu kelinik nya semina dijaga seiku indu misi, lelaki nya tama baru ke dalam kelinik nya lebuh indu misi nya benung ba bilik ai.

Sepengudah ke ngenchuri barang nya, penchuri nya lalu ngebuka diri.

Indu misi nya semina nemu utai nyelai nyadi sepengudah iya tetemuka dua buah telefon binching enggi iya lenyau.

Iya pan lalu madah ngagai pengaji iya bekaul enggau penyadi nya.

Lebuh lutur nya datai baru iya lalu meresa opis iya, dia iya tetemuka komputer binching enggau mata duit RM50 ke ditaruh ba dalam lachi udah dilenyau.

Tegal ke kelinik nya nadai dipasang enggau CCTV, lutur nya lalu minta orang ke beempu kedai sepiak enggau kelinik iya masang baru rikut CCTV ke dipasang ba luar kedai.

Endang nyata bendar, lelaki ke ngaga diri nanya ungkus ubat indai iya nya tadi ke tama baru ke dalam kelinik nya seraya pansut ari kelinik kali kedua lalu minching barang.

Lutur kelinik nya udah ngaga riput polis ba Balai Polis Sentral pukul 7.30 malam.

Category: Berita Iban, Sarawak