BN ngembuan agenda politik ke manah

 Email This Post    Print This Post  

(No Ratings Yet)

 Loading ...

Rayat aruh berunding panjai, anang ngaum penyakal laban sida nadai pelin pemansang

KANOWIT: Nadai perintah bukai kelimpah ari Barisan Nasional (BN) ngembuan agenda politik ke chukup manah sereta ngemeratka rayat.

Kaban Parlimen Kanowit, Datuk Aaron Ago Dagang madah rayat aruh ngenggaika agenda politik penyakal ke semina ngembuan tuju ngasut rayat ngambika enda rinduka perintah BN enti dibanding enggau agenda politik BN ke ngemeratka politik pemansang sereta ngintu nasit rayat.

“Nadai perintah bukai enti ukai BN ngembuan agenda politik ke chukup manah sereta ngemeratka nasit rayat.

“ ”Nya pekara ti aruh ditanka kita lalu anang enda ingat, kita deka nesal dudi hari enti salah pilih.

“Gaya politik kitai (BN) iya nya mai pemansang sereta mantu rayat kelimpah ti ngemajuka menua nengah ngangkatka ekonomi ke meri penguntung ngagai rayat sereta nyaga pengelikun menua.

“Penyakal mega nyelai gaya politik sida.

Isu-isu ke enda tentu menuku suah amat dibantai dijadika agenda politik sida ngerachun runding rayat.

Nadai sejengkal pan politik penyakal deka mantu rayat,” ku iya bejaku ba pengerami Tuai Betemu enggau Rayat ba Rumah Sumbang, Machan, Kanowit bedau lama ke udah.

Sama bisi datai ba pengerami nya Pegawai Pemadah Pelilih Kanowit, Wan Mohd Zuki Wan Ismail sereta bala tuai raban bansa ngelingi menua Machan.

Ku iya, penuai runding rayat endang dipeguna bendar kena napi PRU13 ila sebedau ngaga sebarang pemutus nyunting penyakal tauka BN.

“Berunding meh enggau panjai.

Kita aruh nemu mida sapa bagi ke mayuh mai pemansang sereta ngintu nasit kita.

“Pekara tu beguna bendar ngambika kita enda muntang dipelitik enggau sekeda isu ke dibantaika penyakal,” ku iya.

Tandu Aaron, rayat aruh andal ke perintah BN laban penyakal semina ngembul maya pengawa bepilih deka diatur udah nya tengelam sepengudah tembu pengawa bepilih.

“Perintah BN iya nya perintah ke ngembuan ketuai ke chukup landik megai menua.

Kita empu meda pemansang ke diatu endang dibai perintah BN sekumbang udah merintah diri.

Berindik ari nya, iya ngelalau rayat Mchan majak nyukung perintah BN ba PRU13 ngambika perambu pemansang ulih ditampung dudi ila.

“Ketuai BN endang udah mujur mai pemansang baka perengka guna jalai alun, bekal kuasa karan enggau bekal ai beresi ke mayuh agi duit agih nya datai ari parlimen,” ku iya.

Nya alai, sukung meha BN ngambika semua agenda politik ke udah diperambu perintah BN ulih dipejalai enggau mujur.

Category: Berita Iban, Sarawak