Peranak temegahka perintah besai
Loading ...RM200,000 diagih kena ngaga gerija Anglikan St. John ke baru
SIBU: Gerija Anglikan Saint John ditu udah nerima agih sepenyampau RM200,000 ari Opis Menteri Besai, bedau lama ke udah.
Agih nya diberi ngagai Opis Menteri Pengereja Asal enggau Rampa Menua kena mantu projek ngaga gerija baru gerija Anglikan Saint John Sibu.
Pengawa nyuaka bantu nya dipenyadika Pemesai Pelilih Betong Friday Belik ngarika Menteri Pengereja Asal enggau Rampa Menua ke mega Kaban Parlimen Betong Datuk Seri Douglas Uggah Embas ba siti pengerami ngelansa ke diatur ba sebuah hotel ti tebilang ditu.
Chek besai nya diterima Chairman Komiti Gerija Anglican Saint John Sibu Reverend Canon Jamal Senada ke mega Vicar gerija nya.
“Kami meri pengaga ati ngagai perintah besai kelebih agi Menteri Besai Datuk Seri Najib Tun Abdul Razak enggau Uggah laban meri agih ngagai gerija,” ku Reverend Jamal.
Sama bisi datai ba pengerami nya Sekretari Opis Kunsil Pelilih Betong Anthony Luta sereta kaban komiti gerija nya ke bukai.
Category: Berita Iban, Sarawak
About the Author (Author Profile)
Subscribe
If you enjoyed this article, subscribe to receive more just like it.
Loading ...