Kaban PKR lenyau pengarap ba ketuai sida

 Email This Post    Print This Post  

(No Ratings Yet)

 Loading ...

Seraban enam puluh lima iku ari Kabong besemaya ngeringka BN nengah SPDP

TALUK KE BN: Mawan ngelaluka kaban PKR Kabong ke suba masuk begempung enggau SPDP. Dalam gambar Mawan betabi enggau Ismail (duduk dua kanan) seraya dikemataka kaban SPDP baru ari Kabong ke besemaya taluk ke BN.

KUCHING: Ketegal enda lantang ati ke pemula Parti Keadilan Rakyat (PKR) ti deka ngemansangka sitak Kabong, Saratok ditandu ulah ke enda ibuhka peranak menua dia ngujungka enam puluh lima iku kaban PKR mutus penemu ngelengkaka parti nya lalu mulaika diri nyukung Perintah Barisan Nasional (BN) nengah SPDP.

Raban 65 iku sida ke betuaika pengari Kabong ke kala bediri dalam pengawa bepilih ba sitak Kunsil Nengeri (DUN) taun nyin tadi ngelaban ADUN Kalaka Datuk Abdul Wahab Aziz, iya nya Ismail Hussain, 68, madahka sida enda lantang ati enggau pemesai PKR menua ke enda ngeamatka semaya maya bekimpin menya.

“Kami lenyau pengarap ba PKR, nyangka ketuai PKR di sitak Saratok nadai penyiru ba kami.

“Nya alai, kami minta nyadi kaban Parti Demokratik Progresif Sarawak (SPDP) sereta madahka sukung penuh kami ngagai Perintah BN nengah SPDP ke ngemeratka rayat.

“Kami besemaya deka gawa bebendar ngeringka BN maya ” “ Ismail Hussain, 68 Ex-PKR Kabongpengawa bepilih besai ti ke-13 (PRU 13) tu ila,” ku Ismail seraya ngenataika sebana peranak menua dia ke dekaka pemansang dikenataika di menua sida.

Iya nandu, berindik ari penyampau raban sida ke masuk SPDP (65 iku), iya ngarapka mayuh agi raban baru lebih agi nembiak ‘Rebak Peranak Y’ ba sitak Saratok nitih sereta nunda singkang sida.

“Kami beratika nembiak ‘Rebak Peranak Y’ laban ngelamatu sida tu seruran enda dikeibuh semua parti,” ku iya.

Ba pekara ke sebaka, Menteri Kanan ti mega Menteri Pemansang Rama sereta presiden SPDP, Tan Sri William Mawan Ikom madah, semua 65 iku raban sida tu ke minta nyadi kaban SPDP deka di kemendar.

“Sida tu ex-kaban PKR orang ke ngembuan penemu menyana.

Tu mega ngayanka penyukung PKR lenyau pengarap ke jaku sereta semaya ke semina penemu bula.

“Enti semaya semina ampa, orang pen nadai pengeliat nganti.

Semina perintah BN aja ke ulih ngemenuhka janji ngagai rayat,” ku iya ke besemaya deka beratika sebana peranak Kabong.

Berebak enggau nya 21 ari 65 iku sida nya datai ari Kabong, Saratok nyerahka peminta deka nyadi kaban SPDP seraya besemaya deka meri sukung ngagai BN.

Lebuh nimbal penemu nya, ADUN Krian Ali Biju ti mega Mandal Chairman PKR Menua madah, kaban PKR Kabong ke masuk SPDP nya nitihka peneka ati sida lalu enda ditagang PKR laban ku iya, raban sida semina ngiga penyalah PKR aja.

“Laban raban tu endang enda ngemeratka parti kami (PKR) ngelama tu taja pen sida iya endang kaban PKR.

Nya alai, enti sida iya deka pansut ari PKR, nya barang ku sida, kami enda nagang,” ku iya.

Category: Berita Iban, Sarawak