Abit temegahka penaluk ketuai raban bansa, peranak menua Baleh, Belaga

 Email This Post    Print This Post  

(No Ratings Yet)

 Loading ...

KAPIT: Kaban parlimen (MP) sitak Hulu Rajang Datuk Billy Abit Joo muji peranak menua lebih agi ketuai raban bansa ari Baleh enggau Belaga ketegal udah ngayanka penaluk ngenataika diri ba atur pengawa Ketuai Begulai enggau Peranak Menua ke diatur di Rh Untam ditu.

Iya mega temegahka sida seraya madah, pamayuh mensia ke datai ba pengawa nya mandangka sukung sida ba Barisan Nasional (BN) Ku iya, penyuah ngelawa kandang pendiau sida laban deka meda ngena mata diri penanggul ke ditapi rayat sereta berndingka chara dikena mutar semua nya.

Pengelama BN merintah menua tu, menua bukai ngelala pemaik sereta muji kaul entara raban bansa ditu taja pan rayat kitai diarika mayuh raban bansa sereta jalai pengarap, kitai ulih diau likun nadai penyarut baka diri sebilik.

“Sepekara ke ngasuh menua kitai likun, berindik ari pemereti rayat sereta gaya politik ke tegap ti dikemeranka perintah BN.

Betuaika Menteri Besai Datuk Seri Najib Razak, perintah udah mayuh ngatur pemansang ti ngemeratka peranak menua lebih agi di menua pesisir seraya nyaup raban sida ke seranta,” ku iya.

“Berindik ari semua pemanah nya, rayat patut bendar nyukung perintah BN ti betuaika Najib lalu perunding memanah gaya pengidup sereta anak uchu sebedau ulah orang ngerasuk runding kitai,” ku iya maya ngelalau peranak menua nya ba Rh Untam Ngalambai, Kerangan Ara, Batang Baleh seraya muji JKKK Rumah Untam enggau Opis Pemadah Kapit ketegal udah mujur ngatur program nya.

Berebak enggau nya, iya mega nyuaka geran projek pemansang menua pesisir (MRP) penyampau RM22.

000 ungkup JKKK Rumah Untam ngambika bisi dikena sida nyeruri sereta ngemanah rumah sida.

TR Untam mega muji pemaik Abit ke udah nyaup rumah panjai sida ngena bantu MRP sereta udah mandangka penyiru ngelawa peranak rumah panjai sida lalu meretika penusah ke ditapi sida.

Category: Berita Iban, Sarawak