Pengelantang pengidup rayat menua pesisir dikemeratka

 Email This Post    Print This Post  

(No Ratings Yet)

 Loading ...

SIRUKA RAYAT: Aaron (bediri tiga kiba) begulai enggau sida ke nerima bantu ari Opis Menteri Besai di Rumah Awan.

RM283m diungkupka ngagai sitak Kanowit kena ngemansangka infrastruktur

Kaban Parlimen Kanowit Datuk Aaron Ago Dagang madah, bantu tu aruh bisi sukung ari rayat ngambika projek pemansang baka tu ulih dipenyadika belama sereta nadai penekul.

“Kitai endang segi mantu ngangkatka pengelantang pengidup rayat. Nya alai, iya ke beguna amat diatu sukung kita (rayat) ngagai perintah maya pengawa bepilih besai ti deka datai,” ku iya.

Iya mantaika jaku nya maya bejadika Pengerami Pemesai Begulai enggau Rayat ba Rumah Awan di Rantau Dilang ditu, Hari Enam tu tadi.

Aaron madahka, rayat aruh beterima kasih ngagai perintah ti megai menua tu enggau naka penyiru sereta chakah mai pemansang.

Ku iya, nadai sapa ditinggalka perintah ari bela nyepi pemansang ke dibai ngagai rayat.

“Rayat pupu raban bansa idup begulai manah enggau pangan diri ari baruh pegai perintah Barisan Nasional (BN).

“Kitai enggaika pengelantang ke disepi kitai diatu nyau pambar ketegal salah undi maya pengawa bepilih.

“Undi kita nentuka pengidup dudi hari lalu anang tebiuh runding mendingka jaku asut penyakal ngagai kita,” pia ku iya madahka baru.

Ba pengawa nya mega, Aaron bisi nyuaka kerusi roda enggau pemeri barang pemakai ari Opis Menteri Besai ngagai sekeda rayat dia.

Sebedau nya mega, iya bisi nemuai ngagai palan alai ngentak baru Rumah Liyang Gura ba Ulu Bawan enggau Rumah Erok ba Bejait ke udah angus kena bulan Julai 2011 suba.

Iya mega nemuai ngagai projek ngaga Jalai Rantau Dilang.

Penemuai Aaron disempulang Pemesai Opis Pemadah Kanowit Wan Mohd Zuki Wan Ismail.

Category: Berita Iban, Sarawak