Raban Koir Krismas St Luke ngatur aktiviti karoling

 Email This Post    Print This Post  

(No Ratings Yet)

 Loading ...

SRI AMAN: Raban Koir Krismas St Luke ngatur aktiviti koir nyambut Krismas ari rumah ngagai sebuah rumah (karoling) di peliling rumah Batu Lintang enggau Hulu Undop, Sri Aman beserimbai enggau pengerami nyambut Hari Krismas enda lama agi.

Nitihka pengari nya, madahka pengawa karoling nya bulih kerejasama Saint Peter Chapel ari Batu Lintang, Undop, Sri Aman.

Ku iya, bala koir nya betuaika Reverend Father Jackson Jarau begulai enggau bisi 20 iku raban iya udah berengkah bejalai kenyau ari pun bulan tu tadi.

Sekeda ari kandang menua ke dilawa nya di Temiang Jubang, Munggu Demam, Empadi, Sengkuang Hulu, Titingkah, Munggu Ruan, Ijok enggau Sungai Labi.

Karoling nya sebengkah pengawa sembiang nusuk rumah ke diatur gerija dikena merekat ruang bilik Kristian ke nyambut Krismas ninting taun.

Iya madahka pengawa karoling nya deka ngerichahka agi pengerami Hari Krismas orang ke megai pengarap kristian kena 25 Disember tu ila.

Berebak enggau nya iya ngarapka koir nusuk rumah diatur enggau mujur ninting taun.

Category: Berita Iban, Sarawak