Sarawak News - Found on mysarawak.org. Posted on Monday, November 17, 2008 - 10 Comments

Lebih 11,000 nyerumba ‘Aya Ragum’ masuk PKR

SIBU: Kaban Kunsil Nengeri Ngemah Gabriel Adit Demong, 58, diatu masuk Parti Keadilan Rakyat (PKR).

Pom minta masuk nyadi kaban parti nya udah disua iya ngagai Penyanding Penemu PKR Datuk Seri Anwar Ibrahim pukul 9 malam hari Enam tu tadi ba pengerami makai lemai ke diatur Kaban PKR ditu.

Anwar ke mega Ketuai Penyakal, nyadi ketuai pengerami nya ke digulu urung bisi 4,000 iku mensia mayuh.

Lebuh ke bejaku, Adit ke chermin pengatur pengerami makai lemai nya madah, iya empu endang sigi udah sedia deka matak jalai ka bala rayat Sarawak ngena PKR.

“Enti sema Anwar nyadi Perdana Menteri ila, nya ngasuh aku mudah agi berandauka pekara ti nguntungka rayat enggau iya, lalu ngichaka nya tau mai laba ngagai semua rayat. Pekara nya beguna amat,” ku iya.

Adit ke kekadang dikangau orang ‘Aya Ragum’ tauka ‘Ragum’ mega madah, iya ukai kediri masuk PKR.

Ku iya, sekeda bala kaban Barisan Nasional (BN) mega bisi madah peneka diri enggau masuk PKR enda lama agi.

“Kelimpah ari aku empu, sekeda bala orang BN mega deka sama enggau masuk PKR enda lama agi. Aku enda ibuh nyebut nama sida ditu laban manah agi nganti sida empu ngemansutka diri.

“Aku nemu sapa sida, laban kala betemu enggau sida ba rumah Anwar suba,” ku iya.

Lebuh ditanya pasal pemutus runding iya masuk enggau PKR, Adit madah iya nadai jalai bukai, laban BN endang udah nutup rapit pintu ngagai iya udah tembu pengawa bepilih 2006 suba.

Ku iya, pengawa iya ke masuk enggau PKR mega udah bulih sukung setuju ari bala penyukung iya.

Dalam pengerami ti sama Adit mega nyerah 11,753 pom minta masuk enggau parti nya ari bala orang ke nadai parti sebedau tu ari serata menua Sarawak, nyengkaum 6,000 ari penyukung iya empu.

“Enggau tu, aku minta semua bansa Dayak di Sarawak ke nadai alai dalam BN ngambika sama enggau masuk PKR,” ku Adit nambah agi.

Anwar dalam jaku iya ba pengerami nya madah, iya balat temegah agi enggau pemerani sereta pengempang Adit ke masuk enggau parti penyakal.

“Penemu Adit ke milih sereta mutuska runding masuk enggau parti kami bala penyakal enggau penatai bala mensia mayuh malam tu siti pengayan ti terang sapa ti dikedeka rayat Sarawak nyadi perintah megai sida di menua tu,” ku Anwar.

Chermin PKR Sarawak ke mega kaban KN tunggal parti nya di Sarawak Dominique Ng gaga endar meda Adit masuk enggau parti nya laban diatu iya enda kediri agi dalam Kunsil Nengeri.

“Udah Adit masuk dalam PKR, aku enda kediri agi gawaka rayat,” ku iya.

Keterubah Adit menang kerusi Ngemah dalam 1991 ngena tiket Parti Bansa Dayak Sarawak (PBDS) ke diatu udah dirumpang.Iya udah nya mujur ngetanka kerusi dalam 1996 ngagai 2001.

Dalam taun 2006 iya bediri nyadi chalun ngatika diri, lalu menang sekali agi kerusi nya ngalahka chalun BN-PRS, Alexander Vincent.

Sama bisi datai bala ketuai PKR nyengkaum Ketuai Penyambung PKR Datuk Dr Jeffery Kitingan, Ketuai Publisiti Tian Chua, Sekiteri Besai Datuk Sallehudin Hashim enggau Penyanding Penemu PKR Sarawak, Dato Sri Hafsah Harun.

Sama datai meri sukung sida nya Chermin Parti DAP Wong Ho Leng sereta enggau Kaban KN Kidurong Chew Chiu Sing.

10 Comments

You can follow any responses to this entry through the RSS 2.0 feed. You can leave a response, or trackback from your own site.

kdumpai
Nov 17, 2008 18:17

aku mega temegah ati meda utai ke bakatu bisi nyadi lalu digulu mensia mayoh ke rindu ke ubah cara megai menua kitai tu enggau ati ti angkun sereta nadai ngayan ke penyarut ti tau di perati ke perintah BN kitai di Sarawak ditu. aku beterimakasih ngagai Aya Ragum kitai mega ti udah mutus ke penemu diri ngiring bala kitai ke nyukung ia nengah jalai ke meruan ianya PKR. aku arap ke kitai ke bisi ati deka enggau dalam politik anang sangguk ati mansut ke penemu ti enda bepilih bulu maya magi pemansang ngagai rayat. enti enda pia kitai dikumbai orang ukai deka ke rayat tang semina deka ke duit. aku suba ko jako rejister dalam pati PBB, tang nyentuk ke sari tu aku lalu enda nemu nama reti rejister masuk pati. maya bepilih enggau orang ngundi belama tudah aku. tang tuju ngundi enda entu nyentuk. laban orang ke dipilih nyau enda entu ulih endor madah ke sebana rayat. ia ke menang di darat nya teruk agi, nadai kala nyenguk ke idung. enti nitih mayoh bajet ia, laban nadai sesin kena kimpin suba….betul pengawa bakanya TUAI ???????

Anak Orang Ngungun
Nov 19, 2008 17:58

Aya Ragum- aku ngarap ke dek ulih mansang ke ngemah lebih lebih agi orang ba nanga ngungun. nadai pemasang endur kami - bisi projek ikan tapi nadai penguntung maioh. endur tuk nadai maioh komersial. orang tuai agi bumai baka suba. uji dek mikir ke cara mebangunkan ekonomi diak. ukai semina meri duit aja tapi ajar sida ia ba ekonomi.
enti nadai pemansang ia ke betul betul dipeda orang, nyangka bisi orang bediri ila ngelaban dek..ianya orang ngungun empu, tanah endor tumpah darah ia empu!!

aku ngarap ke bisi perubahan ketara !!!!!

pengayau
Nov 27, 2008 16:42

aku arap ke ragum ulih ngetan ke tanah asal kitai ti udah atau ti ka di ambi perintah…

mati bangsa iban
Nov 28, 2008 20:20

Aya ragum ukai ngasoh iban kagum..tapi malu ka bangsa iban empu. aya ragum kitai sanggup jadi ukoi bangsa orang bukai. Ari ke nuan aya ragum masuk raban pembangkang tauka perintah..uji nuan nubuh ka parti bangsa dayak kediri empu. cara nuan bermegah parti keadilan tanda nuan sanggup jadi taik tauka ukoi bangsa lain.

Anak iban ” kitai ”NGAYAU’ bangsa diri empu”.

Rebecca Freddie
Nov 30, 2008 15:20

Amai munyi ko “mati bangsa iban”. Nadai penguntung sekali aya ragum masuk PKR. Ketua pembangkang, DSAI sanggup ngadai agama ngau bangsa ia empu untuk ngulih sukong ari bangsa bukai. Nama agi bangsa kitai iban yang bagi ia senang agi di perguna ia. uji perati amat amt mae kitai semua,nama aja ulih di gaga anwar untuk kitai. ia ka nyadi ka malaysia baka thailand, din dia merusuh.enti kitai ngai ka meda uban terus megai sarawak, kitai patut bersatu ngena parti, udah nya sama sama numbang ia. Anang setegal ngai meda taib, parti BN yang lama udah merintah kitai, ngenyenang kitai ngelamato di anchur kitai.. Ka ngering bansa kitai, anang masuk PKR tang tubuk ka parti yang sepenuhnya di pegai iban & ukai orang yang semina gila pangkat dan glamor baka ke diato.

duhh
Dec 13, 2008 5:26

salah runding seduai MBI & RF…baka ni ka nuboh ka parti enti nadai duit…bejako kerah2 pen nadai guna…we need money kena bejalai maya bekempen, ngaga poster, belanja makai, transpot, minyak org ke enggau nulong bekempen etc…..PKR maioh duit diatu laban Selangor & Penang negeri ti kaya di pegai pembangkang….seduai enda kala enggau bekempen..aku kala nya aku nemu..pedis & lelak enti enda cukup duit…enti kitai dah maju enggau PKR ulih kitai minta hak kitai ilak..enti PKR enggai kitai pansut meh..kitai empu megai Swak….except enti semua kitai berserakup enda beguna duit ulih meh..tang diatu kitai bedau beserakup..nya ke buah perlu duit kena bejalai bekempen ilak…PKR ajak meh..enti DAP ka kitak di pegai Cina?..ambu aku pedis agik kitai ilak….yg pentin BN tumbang di Swak…aku enggai meh PKR tang MDC & SNAP nadai duit..baka ni deh?

baby
Dec 16, 2008 11:25

Nda aku sangka bisi ga bangsa kitai iban sanggup nyual maruah bangsa iban ngagai bangsa bukai. Nama Penguntung Kitai ti kitai Ngundi ANWAR!!!!!!!! Ia semina deka nguna bangsa kitai iban kena ia ngulih ke sukung maya bepilih aja. Manah agi ti bisa parti iban ke diri empu. Walaupun Nadai Duit Tang ati kitai dalam parti mesti berakup nuju pemansang. walaupun anwar megai selangor n selangor negeri ke maju tang anang nda ingat,ukai semina PKR aja megai selangor tang DAP ngau PAS pun bisi kuasa ba negeri Selangor. Jai manah memang BN ti Ngangkat ke rakyat kitai iban selama tk. Pasal uit ukai nombor satu tang pengering ngau pengeliat ati kitai ti ka bersama-sama dalam parti. Ti mayuh duit pun nadai guna nti nadai pengangkun ngau pengeliat atu dalam parti.

Serbana Anak Bintulu
Dec 16, 2008 14:21

Ungal Ragum, aku berasai gaga amat ati meda nuan udah bulih tanah alai nuan berindik,
Baka kami ba Bintulu tusah amat jam kediatu laban perintah BN balat amat nipu Rayat enggau tanah
adat bumiputra/ NCR. Lalu kami ari Bintulu arap ka nuan tau maie pekara tu ngagai pichok Pemimpi
Kami besampi ka nuan gayu ,Gerai , Sereta teguh dalam runding.

duhh
Dec 18, 2008 1:00

baby…enda ulih jako kerah2 baka nya..kitai bedau berserakup..aku ka meh ka Parti Dayak ajak….tang diatu no choice..diatu iban nadai saati..ka ke duit aja..nuan kala enggau bekempen sampai 4am?..semua rumah panjai minta duit maiya aku bekempen ka aya’ aku ngari ka opposition suba…see nadai serakup ka ke duit ajak..we’ve no choice..PKR ajak bisi duit….no money no talk…laban duit perlu kena bekempen, mayar transport, meli pemakai bala bekempen, ngaga poster…etc….nuan bedau matang agik dalam politik…

bujang ari tasik jauh din ba menua napoli italy
Dec 31, 2008 21:48

bujang nanga ngungun rumah sawing 96700 kwit wai /////AKU MERIK TERIMA KASIH AGI AYA RAGUM LABAN KA UDAH ULIH MSK PKR …..THANK Q VERY MUCH TO YB NGEMAH ……..BETUL AMI MAH YB MSK PKR JAM KEDIATU LABAN BANGSA DAYAK NADAI PATI KE TUGGUH AMI BAKA SUBA YB………LABAN AKU EMPU PAN KALA DLM POLITIK SUBA MAYA PBDS SUBA LALU BISI GA BA PATI BARU YA NYA PRS TAPI BADAU GA BISI HASIL YB…… LALU AKU PAN UDAH KELUAR ARI PRS YB LABAN ENDA ULIH BEGULAI ENGGAU BALA DIA YB………….AKU PAN LAMA SUBA NYADI KABAN PBDS ENGGAU PRS YB……. BA AKU LAH BETUL AMI MAH NUAN MASUK PKR YB ??????TERUSKAN KATA ORG LAUT YB JGN TAKUT CMS KITA NYA YB ……….