KUCHING: Badan Pencegah Rasuah (BPR) Sarawak ngetan siku raban polis bepangkat Lans Koperal ari Ibu Pejabat Polis Kontinjen (IPK) Kuching kena mantu tasat bekait enggau penyalah makai suap.

Nitih ku berita dipansutka BPR Sarawak, raban polis nya ditan hari Satu tu tadi urung pukul 12. 25 tengah hari laban meri penerang ke enda sebaka enggau utai ke ditulis iya ngagai pegawai BPR.

Saspek ditan baruh Artikel Seksyen 19 (2) Tusun Ukum Pencegahan Rasuah 1997 taja pia, dilepas enggau jamin BPR RM10,000 (nadai deposit) dataika kemari (8 Julai 2008).

Lebuh bechara ba court kemari, saspek ngaku enda salah lebuh dawa nya dibacha ba mua iya.

Udah iya ngapil, Hakim Mahkamah Seksyen Amelati Parnell madahka saspek nya dilepas enggau ikat jamin RM10,000 enggau siku penjamin menua tu dataika nganti hari bechara ke ditetapka 10 November tu.

Pemadah betulis keterubah saspek diberi ngagai pegawai BPR bekait enggau siti kes makai suap ke besangkut paut enggau Lans Koperal Busri Sebli, 33 ari Kampung Bako.

Kira 18 Oktober taun nyin tadi, saspek ditemu salah lalu diukum jil setaun enggau denda RM10,000 tauka dijil enam bulan laban nerima suap RM100 kena nyuap awakka enda nyaman ba siku orang ke nepan mutosikal ke bisi pengawa salah.

Ba kes tu, dawa ba Dayang, nyebut taun nyin tadi iya bisi madah ngagai kut: “Maya nya saspek (Busri) benung duduk ba alai driba lalu nadai pansut.”

Dawa udah nya nyebut Dayang meri penerang, “Maya kami makai, saspek nadai madah ngagai aku sebarang utai pasal dua iku lelaki ke bisi besangkut paut enggau kes tu. Kami nadai bejaku ke hal nya. Seminar berandau pasal kereja kami .”

Taja pia, pemadah nya enda sebaka enggau ke udah dulu agi ngagai pegawai nasat BPR Jane Flora Jingem taun 2005.

Ba pemadah iya, saspek madah: “Urung 5.00 lemai, maya mansa jalai alun betunga enggau rumah Medan Pelita kami tepedaka siti scooter bechura putih ke ditepan dua iku nembiak lelaki.”

Saspek mega bisi madah, sida iya ngasuh dua iku nembiak nya ngetu lalu meresa mutosikal nya laban nyangka mutosikal nya dichuri.

Ba maya ke sebaka, saspek bisi nulis sekeda dokumen ke bisi ba kad tingki enggau lisin ngenyadika dua iku nembiak nya deka meri kerjasama enggau polis.

Lebuh saspek nanya ngagai nembiak nya enti mutosikal nya engi iya empu, nembiak nya madahka iya empu mutosikal nya lalu madahka mutosikal nya ulih diadu lalu enda ibuh ngena kunchi.

Saspek mega madah, lebuh sida iya deka ngirup ba Curry House semak enggau Impiana Hotel, saspek madah nembiak lelaki dua iku nya tadi bisi meri RM50 ngagai iya.

Taja pia, saspek enda nemu sapa entara nembiak nya ke meri RM50.